धादिङ । धादिङको नेत्रावती डवजोङ गाउँपालिका–३, वाकामा सम्पन्न जिल्ला कै सर्वाधिक पुरस्कार राशिको १६ औँ वाका कप फुटबल प्रतियोगिताको उपाधि कटुञ्जेले जितेको छ ।
मंगलबार सम्पन्न फाइनल खेलमा सेमजोङलाई १–० गोलले पराजित गर्दै कटुञ्जेले उपाधि आफ्नो पोल्टामा पार्न सफल भएको हो । प्रतिस्पर्धात्मक खेलमा कटुञ्जेले निर्णायक गोल गर्दै जित सुनिश्चित गरेको थियो ।
उपाधिसँगै कटुञ्जेले नगद रु. २ लाख २ हजार प्राप्त गरेको छ भने उपविजेता बनेको सेमजोङले रु. १ लाख १ हजारमा चित्त बुझाएको छ । प्रतियोगिताको सेमिफाइनलमा पुगेर रोकिएका दुई टोली किस्पाङ र मईबलले समान रु. २०–२० हजार पुरस्कार प्राप्त गरेका छन् ।
स्थानीयस्तरमा आयोजना हुँदै आएको वाका कप फुटबल प्रतियोगिता जिल्लाकै ठूलो पुरस्कार राशिको प्रतियोगिताको रूपमा परिचित छ । तस्बिर: विजय तामाङ
गत संस्करणहरु
- १५ औं औं वाका कपको विजेता किस्पाङ नुवाकाेट
- १४ औं वाका कपको विजेता चौतारा युवा क्लब
- १३ औं वाका कपको विजेता ब्रादी युवा क्लव
- १२ औं वाका कपको विजेता डुप्चे युवा क्लव
- ११ औं वाका कपको विजेता चौतारा युवा समाज
- १० औं वाका कपको विजेता म्यागङ युवा क्लव नुवाकोट
- ९ औं वाका कपको विजेता न्यु वाका राहा
- ८ औं वाका कपको विजेता नव स्टार युवा क्लव सामरी
