छैटौँ कुपा कप फुटबलमा, ३० टोलीबीच प्रतिस्पर्धा हुने

धादिङ । धादिङको नीलकण्ठ नगरपालिका–१४, कुपामा छैटौँ कुपा कप–२०८३ खुला नकआउट ७ ए साइड फुटबल प्रतियोगिता हुने भएको छ । कुपा युवा समाजको आयोजना तथा कुपा प्रवासी समाजको सह–आयोजनामा हुने प्रतियोगिता असोज ३० गतेदेखि कात्तिक ८ गतेसम्म सञ्चालन हुनेछ ।

विजयादशमीको अवसरमा कुपा खेल मैदानमा आयोजना हुने प्रतियोगितामा विभिन्न स्थानका फुटबल टोलीबीच प्रतिस्पर्धा हुनेछ। खेल तालिकाअनुसार प्रतियोगितालाई ए पोल र बी पोलमा विभाजन गरिएको छ ।

ए पोलका टोलीहरू

1. जोरचौतारा एफसी (Jorchautara FC)
2. सक्रिय एफसी (Sakriya FC)
3. कुपा वाइएस (Kupa YS)
4. तामाइ वाइएस (Tamai YS)
5. सेम्जोङ (Semjong)
6. म्हेन्दोफोले ‘बी’ (Mhendophole B)
7. ग्रीन हेभन वाइसी (Green Heaven YC)
8. घोर्मु ‘ए’ (Ghormu A)
9. रातमाटे एफसी (Ratmate FC)
10. दाङसिङ (Dangsing)
11. नागिनी थान एफसी (Nagini Than FC)
12. दुप्चे–केउरा (Dupche Keura)
13. जनजागरण–सिमले (Jan Jagaran Simle)
14. एसबीए पात्ले ‘ए’ (SBA Patle A)
15. भङ्गेरी ‘बी’ (Bhangeri B)
16. टिकाढुम (Tikadhum)

बी पोलका टोलीहरू

1. एसबीए पात्ले ‘बी’ (SBA Patle B)
2. छोइलिङ एफसी–सेल्ले (Chhoilling FC Selle)
3. म्हेन्दोफोले ‘ए’ (Mhendophole A)
4. थार्पु एफसी (Tharpu FC)
5. मारपाक पोखरी (Marpak Pokhari)
6. परमाचेत (Permachet)
7. सल्लाघारी एफसी–माने (Sallaghari FC Mane)
8. खरबारी (Kharbari)
9. बिहानी वाइसी (Bihani YC)
10. अन्नपूर्ण–धुसेनी (Annapurna Dhuseni)
11. काग्यु मोन्लम वाइसी (Kagyu Monlam YC)
12. घोर्मु एफसी ‘बी’ (Ghormu FC B)
13. भङ्गेरी ‘ए’ (Bhangeri A)
14. कन्यास्थान (Kanyasthana)
15. देविथान वाइसी–कट्टीके (Devithan YC Kattike)
16. बागेश्वरी वाइसी (Bageshwori YC)

प्रतियोगिताको विजेताले एक लाख तीन हजार ३३३ रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेताले ५५ हजार ५५५ रुपैयाँसहित मेडल र प्रमाणपत्र पाउनेछ । सेमिफाइनलमा पुग्ने टोलीलाई सान्त्वनास्वरूप १५ हजार रुपैयाँ प्रदान गरिने आयोजकले जनाएको छ ।

व्यक्तिगत विधातर्फ उत्कृष्ट खेलाडीले पाँच हजार रुपैयाँसहित ट्रफी प्राप्त गर्नेछन् । त्यस्तै उत्कृष्ट गोलरक्षक र सर्वाधिक गोलकर्ताले जनही चार हजार रुपैयाँसहित ट्रफी पाउनेछन् ।

प्रतियोगिताको फाईनलको दिन कार्तिक ८ गते कुपा मिनी म्याराथन –२०२६ हुनेछ । म्याराथनमा प्रथम हुने धावकले २४ हजार रुपैयाँ र द्वितीय हुनेले १२ हजार ५०० रुपैयाँ नगद पुरस्कार प्राप्त गर्नेछन् ।

गत संस्करणका नतिजा

• पाँचौँ कुपा कप फुटबल: घोर्मु विजेता
• चौंथो कुपा कप: फुटबल तर्फ मेन्दोफोले युबा क्लब र दौड तर्फ बैतडीका नरेन्द्र रावत प्रथम
• तेस्रो कुपा कप: फुटबल तर्फ पुरानो पानी नुवाकोट र दौड तर्फ बैतडीका नरेन्द्र रावत प्रथम
• दोस्रो कुपा कप: फुटबल तर्फ थर्पु युवा क्लब नेत्रावती डवजोङ प्रथम
• पहिलो कुपा कप: फुटबल तर्फ भङ्गेरी युवा क्लब धुवाकोट प्रथम