धादिङ । धादिङको गजुरी गाउँपालिका २ फुर्केखोला स्थित निमार्णाधिन सहिद गेट निमार्णलाई पूर्णता दिन भन्दै प्रदेश सरकारले विनियोजन गरेको १५ लाखको काम अझै अगाडी बढेको छैन । कामदार र ठेकदार नपाउँदा काम अडागी नबढेको उपभोक्ता समितिका अध्यक्ष रंगनाथ पाण्डेले बताए ।
अध्यक्ष म भएपनि पैसा कति परेको हो ठेकदार को हो भन्ने चाहि सिद्धलेकका पुष्प थपलिया र बेनीघाट रोराङका दिपक कडेलहरुलाई थाहा हुन्छ, मलाई थाहा हुन्न, संझौता भएको छ, अब काम सुरुहुन्छ भन्ने जानकारी पाएको छु अध्यक्ष पाण्डेले धादिङपोष्टलाई बताए ।
- फुर्केखोला सहिदगेटलाई पूर्णता दिन १५ लाख विनियोजन
- मन्त्री राजेन्द्र पाण्डे र जमकट्टेलले आफ्नै क्षेत्रमा गर्न नसकेका ३ काम
- दश वर्षमा पनि पुरा भएन धादिङको ऐतिहासिक सहिद गेट
- धादिङको २ सहिद गेट ९ वर्षमा समेत पुरा भएन
- ६ वर्षमा पनि सम्पन्न भएन सहिद गेट
सुरुमा हामी सँग कुराकानी गर्दै बागमती प्रदेशसरका आर्थिक मामिला तथा योजना मन्त्री शालिकराम जमकट्टेलले निमार्णाधिन सहिद गेट निमार्णलाई पूर्णता दिन प्रदेशले २० लाख विनियोजन गरेको बताएका थिए । तर अहिले १५ लाखको मात्रै संझौता भएको देखिएको छ भने संझौता गरिएको १५ लाखको काम पनि आर्थिक वर्षको अन्तिम महिलानाको दोस्रो हप्ता सुरुभईसक्दा पनि काम सुरुभएको छैन ।
यो आर्थिक वर्षको १५ लाखको काम नसकिँदै प्रदेश सरकारले आगामी आर्थिक वर्षको वजेटमा फेरि यस सहिद गेटको लागि २० लाख विनियोजन गरि सकेको छ । अहिलेको १५ लाखको काममा जति काम हुन्छ त्यो बराबर भुक्तिानी लिन्छौं र अर्को वर्षको वजेटको चाहि बेलैमा काम गर्ने समितिका एक सदस्य बताउँछन् ।
