धादिङ । धादिङको त्रिपुरासुन्दरी गाउपालिकाका अध्यक्ष राजु उप्रेतीले १ वर्षे कार्यकालकाे उपलब्धि सार्वजनिक गरेका छन् । आफ्नाे सामाजिक संजालबाट एक वर्षे कार्यकालमा त्रिपुरासुन्दरीमा भएकाे कामकाे उपलब्धि उनले सार्वजनिक गरेका हुन् ।
निर्वाचित भए पश्चात १ वर्षमा भएका यस गाउँपालिकाको उपलब्धिहरु :
टारीबेशी पुल –गाउँपालिकाचोक ४.१ (कि.मि) र गाउँपालिकाचोक देखि –सित्तल बजार रमाइलो चोक (०.८कि.मि) सडक कालोपत्रेको ८०% कार्य सम्पन्न
पानीट्यांकी –रानीपोखरी- कोषढुंगा चोक (०.८ कि.मि) सडक कालोपत्रेको ६५% कार्य सम्पन्न
बिशेष अनुदानबाट प्राप्त रु १ करोड १० लाख अन्तर्गत वडा नं ६ को कामीटारी लिफ्ट खानेपानी आयोजनाको ८५% कार्य सम्पन्न
कक्षा ११ र १२ तथा स्नातक तह अध्ययन गर्ने विद्यार्थीहरुका लागि निशुल्क अध्ययनको व्यबस्था
गाउँपालिका अन्तर्गतका स्वास्थ्य संस्थाहरुमा सुत्केरी हुन नसकेका महिला दिदि बहिनिहरुका लागि देशका अन्य शहरमा लानुपरेमा एमबुलेन्स खर्च गाउँपालिकाको तर्फबाट व्यहोरिने व्यबस्था गरिएको
विद्यालय समायोजन तथा दरबन्दी मिलान
गाउँपालिकास्तरीय मल्टिपर्पोज कभर्डहल निर्माणको कार्य अन्तिम चरणमा
७ वटै वडामा माटो परिक्षण गरी प्राप्त रिपोर्ट अनुसार आवश्यक कृषि चुन वितरण
विगत वर्षहरुमा सल्यानटारको घैया धानमा देखिएको समस्यालाई निराकरण गर्न सम्बन्धित वडाहरु १ र २ का कृषकहरुसंग अन्तरक्रिया सम्पन्न
नमुना मा.वि रानी पौवाको २४ कोठे भवन निर्माण सम्पन्न
वडा नं १ को वडा कार्यालय भवन निर्माण सम्पन्न
समपुरक योजनाबाट प्राप्त ठुलोबेशी- मुलपानी- मुर्चोक सडक अन्तर्गत ७५० मि.ढलान कार्य सम्पन्न
वडा नं २ मा रहेको आरुघाट बजारमा सी.सी क्यामेरा जडान गरी निगरानीको व्यबस्था गरिएको
गाउँपालिकाको ११ वटै मा.वि तथा २ वटा सामुदायिक क्याम्पसमा वेबसाइट तथा मोबाइल ऐप्स संचालन
क्रमागत आयोजनाको रुपमा रहेको मनपाङखोला खानेपानी आयोजनाको वडा नं २ स्थित बेल्गाउँ डिलमा ४ लाख लिटर क्षमताको ट्यांकी निर्माण तथा वडा नं २ सिक्टारमा ४ लाख लिटरको ट्यांकी निर्माणका लागि जग्गा खरिद गर्न गाउँपालिकाको तर्फबाट आवश्यक बजेट विनियोजन गरिएको , इन्टेक निर्माण कार्य अन्तिम चरणमा रहेको साथै मुख्य लाइनमा पाइप बिछ्याउने कार्य सम्पन्न |
सल्यानटार प्राथमिक स्वास्थ्य केन्द्रमा दुई जना डाक्टरको व्यबस्था गरिएको
स्वास्थ्य सेवाको आधारमा न्युनतम सेवा मापदण्ड मापनमा त्रिपुरासुन्दरी गाउँपालिका जिल्ला प्रथम हुन् सफल
स्वास्थ्य बिमा कार्यक्रम प्रभावकारी रुपमा कार्यान्वयन भएको
यस गाउँपालिका क्षेत्रभित्र पर्ने क्रमागत आयोजनाको रुपमा रहेको सिमबेशी-गोलाङ-आगिन्चोक-बेलुंगभन्ज्यांग-फुलखर्क सडक खण्डको कालोपत्रे गर्ने कार्य ४०% सकिएको र सो अनुगमन प्रभावकारी बनाइएको
गाई /भैसी सुत्केरी भत्ता कार्यक्रमलाई प्रभावकारी रुपमा कार्यान्वयन गरिएको
गाउँपालिकाको स्वास्थ्य संस्थाहरुबाट अत्याबश्यक औषधीहरु निशुल्क रुपमा वर्षै भरी वितरण गरिएको
विपन्न नागरिकहरुलाई औषधोउपचार खर्च बापत वर्षमा एक पटकका लागि रु १० हजार वितरण गरिएको
पालिका भित्रका सबै ५ वर्ष मुनिका बालबालिकाहरुलाई पूर्ण खोप प्रदान गरी सुनिश्चतता गरिएको
बालबालिकाहरुलाई कुपोषण हुनबाट जोगाउनका लागि सबै बालबालिकाहरुलाई मासिक रुपमा नियमित लेखाजोखाको परिधिमा राख्ने गरिएको
नृसिंहधाम मूल मन्दिरमा गाउँपालिकाको तर्फबाट ग्रेनाइट विछ्याउने कार्यका लागि ५० लाख बजेट विनियोजन भएकोमा करिव ७५ % कार्य सम्पन्न
१४ जनालाई AC फ्रिज मर्मत तालिम दिईएको
प्रधानमन्त्री रोजगार कार्यक्रम मार्फत गाउँपालिका भित्रका १३० जना व्यक्तिलाई कुल २८४० दिन रोजगारी उपलब्ध गराइएको |
लघु उद्यम सिर्जना गर्ने उदेश्यले १६ जनालाई तालिम सहित मौरीको घार वितरण गरिएको
१५ जना व्यक्तिलाई ट्रयाक्टर मर्मत तालिम र आवश्यक सामग्री वितरण गरिएको
३० जना व्यक्तिलाई वाख्रा पालन सम्बन्धि तालिम र बाख्रा वितरण गरिएको
३५ जना व्यक्तिलाई सिलाई कटाई सहित मेशिन हस्तान्तरण गरिएको
सवै विद्यालयका सवै शिक्षकहरुलाई शैक्षिक योजना डायरी वितरण गरिएको
गाउँपालिकाको महत्वपूर्ण स्थानहरुमा फ्री वाई-फाई जोन घोषणा गर्ने कार्य अन्तिम चरणमा रहेको |
भावी कार्ययोजनाहरु :
१) गाउँपालिका अन्तर्गतका सात वटै वडाकार्यालयहरु कालोपत्रे सडकसंजालमा आवद्ध गरिने जसका लागि सङ्घीय र प्रदेश सरकारसंग आवश्यक समन्वय र पहलकदमी लिईएको |
२) विषादी रहित त्रिपुरासुन्दरी महाअभियान निर्माणका लागि प्राङ्गरिक मल उत्पादन एबं प्रशोधन केन्द्र निर्माण गर्न तीनै तहको सरकार सम्मलित र सहकार्य हुने गरी आवश्यक पहलकदमी लिइने |
३) प्रसिद्ध माई त्रिपुरासुन्दरी मन्दिरसम्म आन्तरिक र वाह्य पर्यटकको सहज पहुँचका लागि सडक कालोपत्रे गर्ने र रेलीङ सहितको सिंढी निर्माणका लागि सङ्घीय र प्रदेश सरकारसंग आवश्यक समन्वय गर्दै त्रिपुरासुन्दरी माई मन्दिरलाई त्रिपुरासुन्दरी मात्र नभई धादिङ जिल्लाकै उत्कृष्ट पर्यटक हव बनाउने कार्ययोजना रहेको |
४) सल्यानटारको मूल सडक देवीस्थान –सित्तलबजार –गाउँपालिकाचोक –खोल्सी पानीट्यांकी –कोषढुंगा – बुट्टार गल्छिना सडकको दायाँ र वायाँ सानोजातका बोटविरुवा रोप्ने , सौर्य सडक बत्ति जडान वा नेपाल विद्युत प्राधिकरणसंग समन्वय गरी सडक बत्ति तथा सो सडकमा सी.सी टिभी जडान गरी इलाका प्रहरी कार्यालय सल्यानटारबाट निगरानी गर्ने कार्ययोजना रहेको |
५) सीमान्तकृत समुदाय ( दरै ,कुमाल, माझि) र दलितका लागि जीविकोपार्जन सम्बन्धि कार्यक्रमका लागि प्रदेश र सङ्घीय सरकारसंग आवश्यक समन्वय गर्दै बिशेष कार्ययोजना सहितको कार्यक्रम कार्यान्वयन गरिने |
६) सात वटै वडाहरुको भूगोल र हावापानी सुहाउँदो पकेट क्षेत्र घोषणा गरी तद अनुरुपको बजेट र कार्यक्रम ल्याइने |
७) आ.व २०८३/०८४ भित्र गाउँपालिकाको प्रत्येक घरमा एक घर एक धाराको नीतिलाई पूर्णता दिईने |
८) प्रत्येक वडामा ५०० जना व्यक्ति अट्न सक्ने क्षमताको सामुदायिक सेमिनार हल निर्माण गर्ने योजना रहेको |
९) एक वार्ड एक खेलकुद ग्राउण्ड निर्माण गर्ने योजना रहेको |
१०) गाउँपालिकाको फोहोर व्यबस्थापनका लागि डम्पिङ साइटको व्यबस्था गरिने कार्ययोजना रहेको |
११) महिला दिदि बहिनिहरुका लागि उनीहरुको सिप र दक्षता हेरी क्षमताविकासको कार्यक्रम ल्याई जिविकोपार्जनमा आत्मनिर्भर बनाउने लक्ष्य लिइएको ।
