धादिङ । धादिङको गल्छी गाउँपालिका वडा नम्बर ६ ले आयोजना गरेको हस्तलेखनमा द राइजिङ भिलेज ई स्कुल गल्छी प्रथम भएको छ ।
वडामा रहेका आधारभूत विद्यालय स्तरीय उक्त हस्तलेखन प्रतियोगितामा द राइजिङ भिलेजको कक्षा ५ की रियाना श्रेष्ठ प्रथम र कक्षा ४ वाट सशुसान्त ढकाल सान्तोना भएका थिए ।
प्रत्येक विद्यालयबाट २/२ जना सहभागी प्रतियोगिहरुले प्राप्त गरेको अंकका आधारमा विद्यालय तर्फ पनि द राइजिङ भिलेज प्रथम भएको शिक्षक तोया पौडलले धादिङपोष्टलाई बताए ।
हाइवे बचत तथा ऋण सहकारी संस्थाले शुक्रबार नै सम्पन्न गरेको गल्छी, थाक्रे र धुनीबेसीका माध्यामिक विद्यालय स्तरीय समाजमा सहकारीको महत्व शीर्षक विषयक वक्तृत्वकला प्रतियोगितामा पनि द राइजिङ भिलेज ई स्कुलमा अध्ययनरत छात्रा रोजिना खतिवडा द्वितिय भएकी थिईन् ।
