धादिङ । धादिङको बेनीघाट रोराङले चन्द्रोदय बहुमुखी क्याम्पसको व्यवस्थापनमा शिक्षक सेवा आयोग प्राथमिक तहको तयारी कक्षा सुरु गरेको छ । उक्त तयारी कक्षको उद्घाटन शनिबार एक कार्यक्रमका बीच पालिका अध्यक्ष कृष्णबहादुर थपलिया (विवेक)ले गरेका थिए ।
उद्घाटन कार्यक्रममा थपलियले स्थानीय तवरमै स्थायी शिक्षक उत्पादन गरी विद्यालयमा दिगो शिक्षक व्यवस्थापन गर्ने उद्देश्यका साथ शिक्षक सेवा आयोगको तयारी कक्षा सञ्चालन गरिएको पालिका अध्यक्ष थपलियले बताएका थिए ।
बेनीघाट रोराङ गाउँपालिकाका शिक्षा अधिकारी बोधराज पाठकका अनुसार उक्त तयारी कक्षामा ४२ जना सहभागी छन् ।
