Sundar Ale
नेपाल मै केही गरौं भने, देशमा महँगी, भ्रष्टाचारी, कालोबजारी, गुन्डागर्दी, बन्दहड्ताल, नाकाबन्दि, आन्दोलन ले गर्दा निक्कै धेरै संघर्ष गर्नुपर्ने ।
विदेश रोजगारीको लागि जाउ भने कति बेला के हुन्छ थाहै हुन्न । मलेसियामा मात्रा वर्षमा ४, ५ सय नेपालीको निधन हुन्छ । त्यस्तै कतार लगायत अन्य मुलुकमा पनि यतिकै हाराहारीमा नेपालीको निधन हुने गर्छ ।
नेपालीहरुलाई जहाँ गए पनि सुख शान्ति छैन । विदेशमा जति सुकै पैसा कमाए पनि नेपालमा आउँदा घर घडेरी र परिवार पाल्न र बालबच्चा पढाउन ठिक्क हुन्छ । आख़िर किन नेपालीले विदेशवाट कमाएको पैसा र सिपलाई नेपाल सरकारले किन सुरक्षित वातावरणमा लगानी गर्ने वातावरण बनाउन सक्दैन । लगानी गरि हाले पनि नेपालमा सुरंक्षित छैन । नेपालका धनाढ़्य व्यवसायीहरु किन विदेशमै लगानी गर्न वाध्य छन् ।
२१औं शताब्दीमा पनि सरकारले नेपाली जनतालाई विदेशको मरुभूमिमा रोज़गार पठाउन अनेक जाल किन रचिन्छ । के नेपालमा जन्मेर विदेशमा रोज़गार गर्नु निधार मै लेखेको हो त ? सबै नेपालीलाई समान रुपमा हेर्ने गरौ । कसैलाई पाखा कसैलाई पाखा पनि नगरौ । देशमा विकासको लागि खर्वको पारित गर्छ के अहिले सम्म सहि सहि प्रयोग भएको छ त ? पिउन देखि हाकिम, कार्यकर्ता देखि नेता, सभासद देखि मन्त्रि सम्मकाले भष्टचारी गर्न भ्याउछौं । देशमा एउटा पुल बनाउनु पर्यो भने १५ वर्ष लगाउँछ ।
बाटोमा कालो पत्र गरेको महिना दिन मै प्वाल पर्छ । मन्त्रि बन्न र सरकार चलाउन ३० वटा पार्टी पनि मिसिन सक्छ तर प्वाल परेको सड़क मेलम्चिको पानी ल्याउन २० वर्ष लगाउँछन् । सरकारले नेपाली युवा शक्तिलाई स्वदेशमै जव सम्म रोजगारी दिने वातावरण बनाउदैन देशको विकास सम्भव छैन ।
नेपालमै अझै रोजगारी दिन सकिन्छ । सरकारले सिस्टम र प्रविधी, कानुनलाई कडाई गरियो भने रोजगारी गर्न विदेश धाउन पर्ने छैन । बिदेशमा नेपालीहरुको अनाहकमा ज्यान गुमाउनु परेको छ । अब नेपालीले यस्तो भोग्न नपरोस् । नेपालमै केही गरौ, देशमै रोजगारीको वातावण बनाऔ ।
