धादिङबाट जनयुद्धको क्रममा भाद्र महिनामा ८ जना सहिद (विवरण समेत)

धादिङ भाद्र १२ । तात्कालिन माओवादीले संचालन गरेको जनयुद्धको क्रममा धादिङबाट ११५ जनाले जीवन बलिदानी दिएका थिए । जसमा भाद्र महिनामा मात्रै जनयुद्धको क्रममा धादिङ ८ जनालाई माओवादी भएकै क्रममा तात्कालिन सेनाले हत्या गरेको थियो ।

भाद्र महिनामा सहिद हुनेमा भुमेस्थान निवासी १६ वर्षिय विन्दा सुवेदी देखि ४८ वर्षिय इन्द्र बहादुर थपलिया समेत हुनुहुन्छ ।

सहिद विवरण

मैदी प्रहरी चौकी, दार्खा प्रहरी चौकी, अर्घाखाचीको सदरमुकाम सन्धिखर्क २०५९/०५/२३ नुवाकोटको तारुका चौकी, स्याङजा सदरमुकाम कार्बाही २०५८/०८/०८ लगायतका थुप्रै जिल्ला क्षेत्र अञ्चल स्तरिय कार्वाहीमा सहभागी धुँवाकोटका चन्द्र बहादुर तामाङ प्रतापले समेत यहि महिनामा सहादत प्राप्त गर्नु भएको थियो ।

यस्तै साहित्यमा निकै रुचि राख्ने, मेलमिलाप क्षेत्रमा दख्खल सुनौला बजारका मुकुन्द सेनलाई पनि तात्कालिन सेनाले माओवादी बने कै आधारमा निशस्त्र अवस्थामा नै हत्या गरेको थियो ।

भाद्र महिनाको १ गते सहादत प्राप्त गर्नुहुने रेजिनाको जीवनी धादिङपोष्टले प्रकाशित गरी सकेको छ भने अन्य सहिदहरुको पनि सहादत प्राप्त गरेको दिन जिवनी प्रकाशित गर्ने छौं ।