धादिङ । अखिल (क्रान्तिकारी) जिल्ला समिति, धादिङले SEE परीक्षा पश्चात् खाली समय सदुपयोग गर्ने उद्देश्यले विद्यार्थीहरूलाई लक्षित गरी निःशुल्क कम्प्युटिङ तथा कृत्रिम बुद्धिमत्ता (AI) सम्बन्धी आधारभूत तालिम सञ्चालन गर्ने भएको छ ।
आयोजकका अनुसार तालिममार्फत विद्यार्थीहरूलाई कम्प्युटरको आधारभूत ज्ञान प्रदान गर्नुका साथै AI को प्रयोग र यसको महत्वबारे जानकारी दिइनेछ । साथै, डिजिटल सीप विकाससँगै करियर मार्गदर्शन गराई प्रविधिमैत्री सीपमार्फत भविष्यका अवसरहरू सिर्जना गर्ने लक्ष्य राखिएको छ ।
उक्त तालिम आगामी २०८३ वैशाख १३ गतेदेखि २० गतेसम्म धादिङबेंसीमा सञ्चालन हुने बताइएको छ । तालिमको समय भने पछि जानकारी गराइने जनाइएको छ ।
इच्छुक विद्यार्थीहरूले वैशाख १२ गतेभित्र फाराम भरी सम्पर्क गर्न सक्नेछन् । सीमित सिट रहेकाले छिटो सम्पर्क गर्न आयोजकले अनुरोध गरेको छ ।
थप जानकारीका लागि ९८६३२०९६५२, ९७००१२०९४२, ९८४३२५३८६९ र ९८४४३५४३१७ नम्बरमा सम्पर्क गर्न सकिनेछ ।
