धादिङ । अन्जन स्मृति प्रतिष्ठान बेनीघाट रोराङ ९ को आयोजनामा मझिमटारमा आज देखि खुल्ला पुरुष भलिबल प्रतियोगिता हुँदै छ । उद्घाटन पालिका प्रमुख कृष्णबहादुर थपलिया (विवेक) ले दिउँसो १ बजे उद्घाटन गर्ने कार्यक्रम रहेको छ ।
१२ टिमले भाग लिने उक्त प्रतियोगिताको पुरस्कार राशी प्रथमलाई ५० हजार, द्वितियलाई २५ हजार तृतियलाई २० र सान्तोनालाई ५ हजार रहेको खेल संयोजक सुजन भट्टराईले धादिङपोष्टलाई बताए ।
खेल तालिका
प्रतिष्ठानले गत वर्ष सोही मितिमा खुल्ला क्लब स्तरीय फुटबल आयोजना गरेको थियो । उक्त प्रतियोगिताको पुरस्कार राशी प्रथम ५० हजार र उप विजेता २५ हजार, उत्कृष्ट खेलाडी ३ हजार, उत्कृष्ट गोलरक्षक ३ हजार, उत्कृष्ट गोलकर्ता ३ हजार प्रदान गरेको थियो । उक्त प्रतियोगितामा प्रथम पुरस्कार रमक भन्दा धेरै विक्की एक्लैले जितेका थिए ।
अन्जन सिलबाल बेनिघाट रोराङ ९ चौकीटार निवासी ३४ वर्षका युवा ब्यवसायी तथा बेनीघाट रोराङ ९ को माओवादी केन्द्रका सचिव थिए । उनको मोटर साइकल दुर्घटनामा चुम्लिङमा मृत्यु भएको थियो । उनको नामबाट खोलिएको अन्जन स्मृति प्रतिष्ठानले गत वर्ष देखि स्मृति कपको आयोजाना गर्दै आएको छ ।
