धादिङ । नेपाल तेक्वान्दो संघ संग आवद्ध रहेका धादिङ गजुरी गाउँपालिका ७ निवासी उज्वल श्रेष्ठले अन्तराष्ट्रिय रेफ्री परिक्षा उत्तीर्ण गरेका छन् ।
यो परिक्षा पास गरे सँगै उनी धादिङ जिल्ला कै प्रथम अन्तर्राष्ट्रिय रेफ्री बन्न सफल भए भने नेपालको सबै भन्दा कान्छो अन्तर्राष्ट्रिय रेफ्री बन्न सफल भएका छन् ।
गत मंसिरमा श्रीलंकामा भएको प्रथम द साउथ एशियान खुल्ला अन्तराष्ट्रिय तेक्वान्दो प्रतियोगितामा उज्वलले स्वर्ण पदक जितेका थिए । नेपालबाट प्रतिनिधित्व गर्दै पुरुष सिनियर तर्फ पुम्से विधामा उनले स्वर्ण पदक जितेका जितेका थिए । उनी ललितपुर गोदावरी फिट्नेश तेक्वान्दोका प्रशिक्षक समेत हुन् ।
