धादिङ । धादिङबेसी सदरमुकाममा रहेको नीलकण्ठ बालमन्दिर माविको स्वर्ण महोत्सव समारोहमा पूर्व उपप्रधान एवं रक्षामन्त्री माननीय पूर्ण बहादुर खड्का आउने भएका छन् ।
स्वर्ण महोत्सवको अवसरमा विद्यालयले बुधबार देखि विभिन्न कार्यक्रमहरु सुरु गरेको छ । १९ गते विशेष समारोहका बीच स्वर्ण महोत्सव मनाईन लागिएको प्रधानाध्यापक ध्रुव अधिकारीले बताए ।
प्रधानाध्यापक अधिकारीका अनुसार बुधबार जिल्ला स्तरीय अन्तर मावि हाजिरी जवाफ प्रतियोगिता सम्पन्न् भएको छ । बिहिबार (आज) अन्तर सदन नृत्य प्रतियोगिता । आजै बिहान ११ बजे पत्रकार सम्मेलनका कार्यक्रम हुने छ भने भोली अर्थात जेष्ठ १८ गते साँस्कृतिक झाँकी सहित प्रभातफेरि कार्यक्रम राखिएको छ । त्यसैगरी जेष्ठ १९ गते पूर्व उपप्रधान खड्काको प्रमुख आतिथ्यतामा स्वर्ण महोत्सव विशेष समारोह हुनेछ ।
