काठमाडौं । पहिलो खेलमा सिंगापुरबिरुद्ध आठ विकेटको जित निकालेको नेपालले विश्वकप एसिया छनोटमा आज नेपाल र मलेसिया भिड्दै छ ।
आइसिसी ट्वान्टी–२० विश्वकप एसिया छनोटमा आज नेपाल र मलेसियाबिच प्रतिस्पर्धा हुँदै छ । खेल कीर्तिपुरस्थित त्रिवि क्रिकेट मैदानमा दिउँसो सवा १ बजेदेखि सुरु हुनेछ ।
सोमवारदेखि सुरु भएको प्रतियोगितामा नेपालसहित आठ टिम सहभागी छन् । नेपाल समूह ‘ए’मा छ । नेपाल रहेको समूहमा सिंगापुर, मलेसिया र ओमान छन् । समूह ‘बी’मा युनाइटेड अरब इमिरेट्स (युएई), बहराइन, हङकङ र कुवेत छन् ।
