हरेक वर्ष एसईईको परिक्षाफल प्रकाशन पश्चात् प्राविधिक शिक्षा तथा व्यावसायिक तालिम परिषद्सी (टीईभीटी) ले डिप्लोमा/प्रमाण-पत्र तह तथा प्रि-डिलोमा तहको वर्गीकृत (निःशुल्क) छात्रवृति र पुर्ण शुल्कीय तर्फको विभिन्न संकायको प्रवेश फारमको सूचना प्रकाशन गरिएको हुन्छ । जस अनुरुप प्रवेश परीक्षाको तालिका समेत प्रकाशित गरिसकेको छ । उच्च शिक्षा अध्ययनको लागि एउटा गतिलो आधार भनेकै प्रवेश परीक्षा हो ।
परिक्षा नै परीक्षार्थीको भविष्य निर्धारण गर्ने एउट यस्तो यन्त्र हो त्यसैले प्रवेश परीक्षामा सफलता हुन नै उत्तम विकल्प हो । हाम्रो जीवन नै परीक्षा हो परीक्षा भएकोले हरपल सिकाई त्यस पश्चात् उत्तर दिन आवश्यक हुन्छ¸ विद्यालय¸ विश्वबिद्यालयको परीक्षा होस् या लोक सेवा आयोगको परिक्षा किन नहोस् परीक्षार्थीले विषयवस्तुको ज्ञान र प्रश्नको उत्तर लेख्ने कार्यशैली भए मात्र उत्कृष्ट नतिजा हात पार्न सक्दछ ।
प्रवेश परीक्षामा सफलता प्राप्त गर्न परीक्षार्थीहरुले निम्न कुराहरु (टिप्स) को ध्यान दिनु आवश्यक हुन्छ ।
क) विषयवस्तुको राम्रो ज्ञान कसरी हासिल गर्नेः
- पुरा अध्ययन
- पुराना प्रश्नपत्रको अध्ययन
- लेख्दै अध्ययन गर्ने
- चार्ट र डायग्रामको प्रयोग
ख) समयको उचित व्यवस्थापन कसरी गर्नेः
- पर्याप्त सुत्ने ।
- बेलुका पढ्ने र बिहान स्मरण गर्ने ।
- प्रश्नको संख्या, अंकभार तथा तोकिएको समयलाई विभाजन गर्ने ।
- वस्तुगत तथा विषयगतको लागि समयको निर्धारण गर्ने ।
- पुनरावलोकनको लागि आवश्यक समय छुटटयाउने ।
- त्योकिएको समय भित्र प्रश्नहरुको हल गर्ने ।
ग) आकर्षक उत्तर कसरी दिनेः
- प्रश्नको राम्रोसँग अध्ययन गर्ने ।
- जुन-जुन प्रश्नको उत्तर आउँछ त्यही-त्यही प्रश्नको उत्तर लेख्दै जाने ।
- सम्पूर्ण प्रश्नहरुको हल गर्ने ।
घ) प्रश्नको अर्थ र आशय अनुसार कसरी उत्तर दिनेः
- प्रश्नमा अर्थ राम्ररी बुझ्ने
- वैकल्पिक प्रश्नको वैकल्पिक उत्तरमा नझुक्किने ।
- उत्तरको रुपरेखा सोच्ने ।
- प्रश्नलाई नै गहिरो गरि नियालेर हेर्ने ।
ङ) शारीरिक तथा मनोवैज्ञानिक कसरी तयारी हुनेः
- स्वास्थ्यको ख्याल गर्ने ।
- सन्तुलित भोजन खाने ।
- पानी प्रशस्त पिउने ।
- शाररीरिक व्यायम तथा योगा गर्ने ।
- डर, त्रास, भय¸ अनिदो र नकारात्मकताबाट टाढै रहने ।
- अरुको भनाई र लहढमा नलाग्ने ।
च) परीक्षाहलमा अपनाउनु पर्ने विशेष सावधानीहरुः
- उत्तर पुस्तिकामा कालो पेनको प्रयोग गर्ने ।
- उत्तर पुस्तिकामा सिम्वोल नं. र माँग भएका अनुसारको विवरणहरु उल्लेख गर्ने ।
- प्रश्नलाई ध्यान दिएर हेर्ने र आफुलाई सजिलो लागेको प्रश्नबाट उत्तर लेख्न शुरु गर्ने।
- धैर्यता कायम राख्दै तथ्य पूर्ण शब्दहरुमा उत्तर लेख्ने ।
- सोधिएका सबै प्रश्नहरुको सर्वोत्कृष्ट उत्तर लेख्ने ।
तसर्थः परिक्षार्थीले परीक्षाको दिन दिमागलाई प्रेसर दिनु हुदैन । उच्च आत्म-विश्वास लिएर त्योकिएको परिक्षा केन्द्र तर्फ परीक्षाको लागि आवश्यक पर्ने पेन, पेन्सील, इरेजर, स्केल र प्रवेश पत्र (एडमिट-कार्ड) जस्ता सामाग्री सँगै साथमा लिएर जानुपर्दछ¸ परीक्षाको दिन परीक्षा समय भन्दा कम्तिमा 3० मिनेट अगाडि परीक्षा स्थल पुग्नु पर्दछ ।
(लेखकः लामा CTEVT को पुर्व विद्यार्थी¸ एग्रोभेट व्यवसायी¸ अनेरास्ववियु धादिङको अध्यक्ष एवं नेकपा एमाले बागमती प्रदेश¸ कृषि तथा पशुपन्छी विभागको सदस्य पदमा हुनुहुन्छ ।)
