धादिङ । जिल्ला फुटबल संघ धादिङले आज दर भोली (साउन१४ र १५ गते) गजुरी गाउँपालिका स्थित गलौंदी खेल मैदानमा यु १९ का खेलाडी छनोट गर्ने भएको छ ।
महासचिव रामहरि थापाका अनुसार दक्षिण एशियाली फुटबल महासंघ (साफ) ले असोजमा साफ च्याम्पेनसिप गर्न लागेको र उक्त प्रतियोगिताको लागि जिल्ला जिल्लामा र त्यस पछि प्रदेश हुँदै राष्ट्रि छनोट गरि नेपालको टिम बनाईने हुँदा । जिल्लामा हुने छनोट महत्वपूर्ण रहेको छ ।
असोज ४ देखि १३ गते सम्म साफ च्याम्पेनसिप हुने कार्यतालिका छ । उक्त प्रतियोगिताको लागि एन्फाले प्रदेशमा साउन १९ देखि २३ गते र साउन २६ देखि ३० गते सम्म खेलाडी छनोट गर्ने छ ।
जिल्ला फुटबल संघ धादिङले जिल्लाबाट छनोट गरि पठाएका ९ जना जस मध्य २ जना र क्लवबाट १ जना गरी ३ जना धादिङका यु १६ का फुटबल खेलाडी प्रदेशबाट पनि छनोट भई राष्ट्रिय छनोटमा पुगेका छन् । प्रदेश छनोट पार गरेका खेलाडीहरुको राष्ट्रिय छनोट साउन १६ देखि २० गते सम्म गर्ने एन्फाको कार्य तालिका छ । राष्ट्रिय छनोटबाट छानिएका खेलाडीले भदौ १५ देखि २५ गते सम्म भुटानमा हुने साफ यु १६ च्याम्पेनसिपमा नोपालको राष्ट्रिय टोलीबाट भाग लिन पाउने छन् ।
