धादिङ । धादिङ जिल्ला ब्याडमिण्टन संघ नीलकण्ठ ३ को आयोजनामा आजबाट धादिङबेसी स्थित कभर्ड हलमा आजबाट सुरुभएको जिल्ला स्तरीय पुरुष युगल खुल्ला ब्याडमिण्टन प्रतियोगिता क्वाटर फाईनल चरण प्रवेस गरेको छ । दुई दिन चल्ने यस प्रतियोगितामा ‘ए’ लेभल २१ टिम र ‘बी’ लेभल ४६ टिमले भाग लिएका छन् ।
आज भएको खेल ‘ए’ लेभल तर्फ अन्जन श्रेष्ठ र राम मल्ल ठकुरीको जोडी, अर्जुन तामाङ र लक्पा तामाङको जोडी, भिषण श्रेष्ठ र लक्ष्मीकुमार श्रेष्ठको जोडी, सुसान्त बराल र इश्वर मगरको जोडी, अमृत थापा र आयुस श्रेष्ठको जोडी, निर्देश अधिकारी र राजेन्द्र गुरुङको जोडी, अश्विन मगर र सन्तोष थापामगरको जोडी, लक्ष्मण मल्ल ठकुरी र नविन कुमार श्रेष्ठको जोडी क्वाटरफाईनल प्रवेस गरेका छन् ।
‘ए’ लेभल खेलमा धादिङका राम्रा खेलाडीहरु मध्य पर्ने राजकुमार श्रेष्ठ, विष्णुलाल श्रेष्ठ, सविन तामाङ, रामचन्द्र गिरी लगायतका खेलाडीहरुका लागि भने यस प्रतियोगिता फलदायी भएन । उनीहरु क्वाटरफाईन पुग्न नसकि प्रतियोगिताबाट बाहिरिन पुगेका छन् ।
यस प्रतियोगितामा ए लेभलको खेलको विजेताले २५ हजार उपविजेताले १२ हजार र सान्तोना दुई टिमले ६-६ हजार पाउने छन् भने बी लेभलको खेलको विजेताले २० हजार उपविजेताले १० हजार र सान्तोनाले ५-५ हजार पाउने छन् ।
आजको खेल अपडेट
