धादिङ । धादिङ नेत्रावती डवजोङ गाउँपालिका स्थित सेमजोङका १६ वर्षीय सागर गुरुङ फागुन २८ गते देखि काठमाडौंबाट सम्पर्क विहिन भएको परिवारले जनाएको छ ।
अध्ययनका लागि बूढानीलकण्ठ-२, माथिल्लो भंगालमा बस्दै आएका सागर बूढानीलकण्ठ कलेजमा कक्षा ११ मा अध्ययनरत थिए । कलेज जान हिडेका उनी हाल सम्म पनि सम्पर्कमा नआएको उनका बुबा तोपबहादुर गुरुङले बताए ।
सागरका आमा उमा गुरुङले छोरा हराएको भन्दै बूढानीलकण्ड प्रहरीमा खोजिदिन आग्रह गर्दै निवेदन समेत दिएकी छिन् ।
