तात्कालिन माओवादी जनयुद्धको क्रममा आफ्नो बलिदानी दिने मध्य एक हुन् धादिङ नीलकण्ठ नगरपालिका स्थित खाल्टे निवासी सविना श्रेष्ठ । खास नाम सुस्मा श्रेष्ठ भएपनि जनयुद्धले उनलाई सविना नामले परिचित गरायो ।
सहिद सविनाको संक्षिप्त जिवनी
धादिङ जिल्ला नीलकण्ठ नगरपालिका स्थित सविकको खाल्टे गा.वि.स. फ्याक्से निवासी बुबा विष्णुलाल श्रेष्ठ र आमा पम्फा श्रेष्ठबाट वि.स.२०४० साल पुष २२ गते सविनाको जन्म भएको हो । ६ सन्तान मध्ये पहिलो सन्तानको रुपमा सुष्मा श्रेष्ठ सविनाको जन्म भयो । भाई सविन र सुन्दर हुन् भने बहिनी सन्जु, गिता र सुस्मिता हुन् । पञ्चकन्या मा.वि.बाट ६ कक्षा पास गरे सँगै आर्थिक अभाबले सविनाको पढाई त्यहिबाट अन्त्य भएको थियो ।
बाल्यकाल देखि परिश्रमी, हसिलो, गतिशिल, मिलनशार, कठिनाई सँग जुध्न पाउँदा खुसी मान्ने सविना अन्याय र अत्याचारको विरुद्ध कडा प्रतिवाद गर्न भन्दै वि.स. २०५५ साल फाल्गुनमा पुर्णकालिन भएको परिवारका सदस्यहरु बताउँछन् । तात्कालिन माओवादी जनयुद्धमा पुर्णकालिन पश्चात केहि समय कलाकार बनेकी सविना एक बर्ष भित्रै फौजी संगठन स्वायटको सदस्य हुदै सेक्सन कमाण्डर सम्म बनेको माओवादी दस्तावेजमा पाईन्छ ।
२०५७ मा पार्टी सदस्य, २०६१ सालमा पार्टीको जिल्ला सदस्य सविनाको अधिकांश राजनैतिक जीवन जनमुक्ति सेनाको जिम्मेवारी मै वित्यो । २०६० सालमा जनसेनाको प्लाटुन कमाण्डर, २०६१ सालमा ईस्पेसल टाक्स फोर्स कम्पनी सह–कमाण्डर तथा जिल्ला एसटीएफ कमाण्डर सविनाको जिम्मेवारी बन्यो ।
लामो अनुभव एसटीएफ बिभिन्न खाले आधारभुत, प्राविधिक, विशेष फौजी तालिमले निडर सविनाले धादिङ्गको दार्खा, नुवाकोटको तारुका, स्याङजाको सदरमुकाम, लमजुङ २०६१/०८/३० को बाहुन डाँडा २०६१/१२/२५ मा रुकुमको खारा सैनिक ब्यारेक आक्रमण, कृष्णभिर सफल एरिया एम्बुस लगाएत लडाईमा महत्वपुर्ण भुमिका निर्वाह गरेकी थिईन ।
तेस्रो डिभिजन १२ औं वटालियन कार्यरत सविनाको डिभिजन, एरिया एम्बुसको योजनामा लाग्यो तर प्लान एक्सपोज भएपछि । दुश्मनले एन्टि ग¥यो । प्रतिरोधकै क्रममा घाईते सबिनालाई तात्कालिन शाही सेनाले दर्जनौं गोली हानी वि. स. २०६२ चैत ७ गते आजैका दिन हत्या गरेको थियो ।
