धादिङ साउन १२ । धादिङको बेनीघाट रोराङ गाउँपालिका स्थित चरौंदीमा रहेको ओम किराना स्टोरबाट २२ किसिमका म्याद गुज्रिएका सामग्री जफत गरिएको छ ।
जिल्ला प्रशासन धादिङ र घरेलु कार्यालय धादिङबाट खटिएको बजार अनुगमन टोलीले उक्त किराना स्टोरबाट २२ किसिमको म्याद गुज्रिएका सामग्री जफत गरेको हो ।
अनुगमन टोलीले उक्त पसललाई १० हजार जरिवाना गरेको छ ।
जरिवाना गर्नुको कारणहरु
- २२ किसिमका म्याद गुज्रिएका सामग्रीहरु (५३ पाकेट क्विक्स चिजबल, २४० पाकेट जीमजाम र ६० पाकेट हट्के झट्के, ओडोनिल, क्लिनिक अल क्लियर तेल, पेप्सोडेन्ट, तिल दाना, दन्तक्रान्ति, प्रिन्गल्स, डिटोल लिक्विड, फाइभस्टार चकलेट, मोर्टेन लिक्विड, गुडनाईट लिक्विड, लेज, 20-20 बिस्कुट, डेरी मिल्क, ड्यु सानो, ड्यु ठूलो, स्प्राइट, फेन्टा, एडकेयर चकलेट, मिन्टोस, टोपिचो चकलेट, फ्रेसो) पसलमा बेचविखनको लािग राखिएको
- मूल्यसूची नभएको,
- पसल सरसफाइमा हेलचेक्रयाँइ गरेको,
- बिल बिजक नभएको ।
- बेनिघाट रोराङको चरौदीमा रहेको जेनिशा किराना स्टोरलाई रु. १० हजार नगद जरिवाना गरिएको छ ।
- अनुमति नलिएर सूर्ति, चुरोट र मदिरा बिक्री गरेको,
- मूल्यसूची समेत नराखेको ।
