शुक तामाङ ,
धादिङबेसी चैत्र २९ । स्थानिय तहको चुनाव नजिकिदै गर्दा नेपाली काँग्रेस नेकपा एमाले पार्टी परित्याग गरि आयुव तामाङ्को नेतृत्वमा१८ जना युवाहरु माओवादी केन्द्र धादिङमा प्रवेस गरेका छन् ।
आज नेकपा माओवादी केन्द्र धादिङले पार्टी कार्यलयमा पार्टी प्रवेस कार्यक्रममा राखि उनीहरुलाई प्रवेस गराएको हो ।
आयुव तामाङका नेतृत्वमा विभिन्न पार्टीबाट प्रवेस गरेका युवाहरुलाई माओवादी धादिङका उपाध्यक्ष रामबहादुर भण्डारीले खादा ओढाएर स्वागत गर्नुभएको थियो ।
पार्टी प्रवेस कार्यक्रममा बोल्दै उपाध्यक्ष भण्डारीले अब कोही बहकिनु हुन्न देश विकास र परिवर्तन माओवादी एजेण्डाबाट मात्र सम्भव भएको बताउनु भएको थियो । उहाँले माओवादी केन्द्रलाई जिताउन सबै लाग्नु पर्ने भन्दै नव प्रवेसी युवाहरुलाई सहि पार्टी र एजेण्डा रोजेकोमा बधाई दिनु भएको थियो ।
कार्यक्रममा जिल्ला सचिव विजय बुर्लाकोटी, सहसचिव मनराज भण्डारी लगायत नेताहरुको उपस्थिति रहेको थियो ।
