धादिङबेसी असोज ११ ।उत्तरी धादिङको लपाङमा भएको बस दुर्घटनामा एक ट्रेकिङ गाइडको निधन भएको छ ।
आमालाई उपचार गराई घर फर्केका एक ट्रेकिङ रामचन्द्र सापकोटा समेत उक्त दुर्घटनामा परेका हुन् । अर्थबाउन्ड ट्रेक्स एन्ड एक्सपिडिसन प्रालीमा काम गर्दै आएका सापकोटा धादिङ जिल्लाको दार्खा ९ बेशीका निवासी हुन् ।
४१ वर्षका उनी आमालाई धादिङमा उपचार गराएर गाउँ फर्कदै थिए । गम्भिर घाइते भएकी उनका आमालाई शिक्षण अस्पताल ल्याइएको छ ।
उनले हिमाली क्षेत्रमा ८ दिने ट्रेकिङ कार्यक्रम समेत तय गरेका थिए । प्रहरीका अनुसार हालसम्म १९ जनाको मृत्यु भएको छ भने १० जना घाइते भएका छन् । घाइतेलाई काठमाडौं स्थित शिक्षण अस्पताल ल्याइएको छ ।
