धादिङबेसी भाद्र १४। नेपाली काँग्रेस धादिङको भातृ संगठन नेपाल महिला संघको चुनावबाट अम्बिका अधिकारी सभापतिमा विजयी हुनु भएको छ ।
२ प्यानल बीच प्रतिस्पर्धा भएको चुनावमा अप्सरा कोईरालालाई हराउँदै अधिकारी सभापतिमा र उहाँ कै प्यानलबाट सचिवको उम्मेदवार योगमायाँ तामाङ र कोषाध्यक्षमा सिता त्रिपाठी निर्वाचित हुनु भएको हो ।
अम्बीका अधिकारीले १ सय ४३ मत ल्याई विजय हुँदा उहाँ प्रतिद्वन्दी अप्सरा कोईरालाले १ सय २३ मत ल्याई पराजीत हुनु परेको थियो ।
निकै प्रतिपर्धा भएको महिला संघ धादिङको निर्वाचनमा ३ सय ७७ मत रहे पनि मतदान प्रक्रियामा भने २ सय ८१ मत मात्र खसेको थियो ।
महिला संघको चुनाव भएपनि सारमा नेपाली काँग्रेका जिल्ला हस्तिहरु जिल्ला पूर्व सभापति रामनाथ अधिकारी, सभापति रमेश धमलाको एक प्यानल र सभाषद दिलमान पाख्रिनको अर्को प्यानल बीच लडाइ भएको भनिएको यस निर्वाचनमा अन्ततः रमेश धमला प्यानलले जिते पछि दिलमान पाख्रिनलाई धक्का लाग्न पुगेको जानकारहरु बताउँछन् ।
यो पनि पढौ
महिला संघ धादिङको चुनाव, रमेश धमला र दिलमानको लडाई
