२६ कात्तिक– विश्व क्रिकेट लिग च्याम्पियनसिपको तयारीका लागि युएई भ्रमणमा रहेको नेपालले स्थानिय दनुवे लाइन्स क्लबलाई १४ रनले हराएको छ ।
खेलमा टस जितेर ब्याटिङ्ग गरेको नेपालले २९ ओभरमा ५ विकेट गुमाउँदै १७९ रन बनाएता पनि डिल एल मेथोडका आधारमा लाइन्सले २०८ रनको टार्गेट पाएको थियो ।
नेपालका लागि सागर पुनले अर्धशतक बनाउँदै ५१ बन बनाए । उनले ५२ बलमा ६ चौका प्रहार गरे ।
खेलको अन्त्यतिर गएका पृथु बास्कोटाले ९ बलमा १८ रन हाने । त्यस्तै नेपालका लागि शरद भेषावकर २७, महेश क्षेत्री २४, पारस खड्का २१ र नरेश बुढाऐर १६ रनमा रन बनाए ।
जवाफी ब्याटिङमा दनुवे लाइन्सले २८.५ ओभरमा १९३ रन बनाउँदै अल आउट भयो । उसका लागि विस्फोटक ब्याटिङ गर्दै समउल्लाले २७ बलमा ६० रन बनाए । त्यस्तै, मोहम्मद इमरानले ४२ बलमा ३९ रन बनाए ।
नेपालका लागि कर्ण केसीले ६ ओभरमा ४६ रन खर्चेर ३, पार खड्काले ५.५ ओभरमा ३१ रन खर्चेर २, इर्शाद अहमदले ५ ओभरमा ३४ रन खर्चेर २ तथा शक्ति गौचनले ६ ओभरमा ३९ रन खर्चेर २ विकेट लिए ।
