गजल

यो तिहारमा घर आउनु दादा भन्दै छिन,
मेरो हातको टीका लाउनु दादा भन्दै छिन,
,,
पोहोर पनि खाली बसे यी मेरा हातहरु,
यसपाली त निधार रङ्गाउनु दादा भन्दै छिन,
,,
आउनै लाग्यो भाइ टीका बिदा छ कि छैन,
खुल्दुली छ छिट्टै बताउनु दादा भन्दै छिन,
,,
ढकमक मखमली र सयपत्री फुलेका छन,
माला लगाइ घाँटी सजाउनु दादा भन्दै छिन,
,,
आउनु पर्छ जसरी नि पर्खाइमै हुन्छौ हामी ,
म एउटि बहिनि नरुहाउनु दादा भन्दै छिन,

प्रदिप पोखरेल
धादिङ