धादिङ त्रिपुरेश्वर साउन ११। लामो समय देखि धादिङबाट काठमाडौं गई पर्यटन व्यवसाय गर्दै आउनु भएका नवराज गौलीलाई मातृ शोक परेको छ ।
धादिङ जिल्ला त्रिपुरेश्वर – २ सुकौरा निवासी आउटफिटर टेक्स एण्ड एक्सपिडिशनका प्रबन्ध निर्देशक नमराज गौलीको आमा योगकुमारी गौलीको आँखुखोलामा आएको बाढीले बगाउँदा निधन भएको थियो ।
गत साउन २ गते खोला किनारमा दाउरा संकलनका लागि जानु भएकी योगकुमारीलाई अकस्मात खोलामा आएको बाढीले बगाउँदा मृत्यू भएको थियो ।
विहान मकै भाँचेर दाउरा खोज्न गएकी उनलाई सुकौरास्थित गैरी चौताराबाट बगाएको र उहाँको शव करीब दुई किलो मिटर तल गणेस्थान पारी पट्टी फेला परेको थियो । पर्यटन व्यवसायी नमराज गौली कान्छा छोरा हुन् भने जेठो छोरा वासु गौली हुन् र श्रीमान् मुनप्रसाद गौली हुन् ।
