धादिङका पाँच जनाले एनआरएनएमार्फत बाढीपीडितलाई ५ लाख ५५ हजार सहयोग

धादिङ । धादिङका पाँच जना गैरआवासीय नेपालीले, गैरआवासीय नेपाली संघ (एनआरएनए) मार्फत बाढीपीडितका लागि कुल ५ लाख ५५ हजार ५ रुपैयाँ सहयोग गरेका छन् ।

विदेशमा रहेर विभिन्न पेशा तथा व्यवसायमा संलग्न धादिङका उनीहरूले विपद्को समयमा आफ्नो जिल्लाका प्रभावित नागरिकलाई सहयोग पुगोस् भन्ने उद्देश्यले एनआरएनएमार्फत राहत रकम उपलब्ध गराएका हुन् ।

सहयोग गर्नेमा धादिङ गंगाजमुना घर भई बेल्जियममा बस्दै आएका लोकप्रसाद दाहाल रहेका छन् । उनले बाढीपीडितका लागि २ लाख रुपैयाँ सहयोग गरेका छन् । दाहाल गैरआवासीय नेपाली संघका उपाध्यक्ष हुन् ।

त्यस्तै, बेनीघाट रोराङ घर भई यूएईमा बस्दै आएका मनोजकुमार श्रेष्ठ ‘गोर्खाली’ ले १ लाख ५ हजार रुपैयाँ सहयोग गरेका छन् । श्रेष्ठ पनि गैरआवासीय नेपाली संघका उपाध्यक्ष हुन् ।

फुलखर्क घर भई अस्ट्रेलियामा बस्दै आएका सूजन अधिकारी ले बाढीपीडितका लागि १ लाख रुपैयाँ सहयोग गरेका छन् । अधिकारी गैरआवासीय नेपाली संघका सचिव हुन् ।

यस्तै, मलेखु घर भई यूकेमा बस्दै आएकी प्रसुन्ना कडेल ले ५० हजार ५ रुपैयाँ सहयोग गरेकी छन् । कडेल पनि गैरआवासीय नेपाली संघकी सचिव हुन् ।

त्यसैगरी, नीलकण्ठ नगरपालिका–१४ घर भई यूकेमा बस्दै आएका कृष्णप्रसाद तिमल्सिना ले १ लाख रुपैयाँ सहयोग गरेका छन् । तिमल्सिना गैरआवासीय नेपाली संघका कोषाध्यक्ष हुन् ।

पाँच जनाको सहयोग ५ लाख ५५ हजार ५ सय

यसरी बेल्जियम, यूएई, अस्ट्रेलिया र यूकेमा रहेका धादिङका पाँच जनाबाट प्राप्त सहयोग रकम जोड्दा ५ लाख ५५ हजार ५ रुपैयाँ पुगेको छ।

विदेशमा रहेका धादिङेलीहरूले बाढी तथा विपद्का समयमा आफ्नो जिल्लाका प्रभावित नागरिकका लागि सहयोग गर्दै आएका छन् । पछिल्लो सहयोगले पनि विपद्को समयमा प्रवासमा रहेका नेपालीको सहयोग र ऐक्यबद्धता निरन्तर रहेको देखाएको छ ।

बाढीबाट प्रभावित परिवारको राहत तथा पुनःस्थापनामा यस्ता सहयोग महत्वपूर्ण हुने भएकाले सहयोगी सबैप्रति सम्बन्धित पक्षले आभार व्यक्त गरेको छ ।