भक्तपुर, असार २८ । भक्तपुरको चाँगुनारायण नगरपालिकामा ढिस्कोले पुरिएर तीन जनाको मृत्यु भएको छ।
मृत्यु हुनेमा ७० वर्षीया हीरा लामा, ६५ वर्षीया पाममाया लामा र ३४ वर्षकी सम्पदा लामा रहेका महानगरीय प्रहरी परिसर भक्तपुरका प्रहरी उपरीक्षक हिमालय श्रेष्ठले जानकारी दिए।
चाँगुनारायण नगरपालिका वडा नम्बर ७ मा अविरल वर्षापछि उनीहरु बस्दै आएको टहरामा ढिस्को खस्दा ज्यान गएको जानकारी प्रहरीले दिएको छ।
