रुकुम, असार ७ । जग्गासम्बन्धी विवादका कारण दाई रुद्रले खुकुरी प्रहार गरी भाई जोखबहादुरको हत्या गरेको छ ।
रुकुम पश्चिममा जग्गाबारे सामान्य विवाद हुँदा आफ्नै दाइले भाइको हत्या गरेका छन् ।
जग्गासम्बन्धी विवादका कारण दाई रुद्रले खुकुरी प्रहार गरी भाई जोखबहादुरको हत्या गरेको जिल्ला प्रहरी कार्यालय रुकुम पश्चिमले जनाएको छ ।
हत्या गर्ने रुद्रबहादुर पुनले जिल्ला प्रहरी कार्यालयमा आत्मसमर्पण गरेका छन् ।
रुकुमको ठबिसकोट नगरपालिका–१२ का ४४ वर्षीय रुद्रबहादुर पुनले भाइ ४० वर्षीय जोखबहादुर पुनको आज बिहान मामाको घरमा हत्या गरेको प्रहरीले जानकारी दिएको छ ।
