धादिङ । धादिङबेसीमा सम्पन्न धादिङभेलाबाट रास्वपाको जिल्ला सभापतिमा सूर्यमणि पाठक चयन भएका छन् । उनी यस अघि जिल्ला संयोजक थिए ।
शनिबार सम्पन्न भेलाबाट उपाध्यक्षमा गोपाल गुरुङ, सचिवमा मिनबहादुर अधिकारी, उप सचिवमा राम भण्डारी र जिल्ला कार्य समितिको सदस्यहरुमा लीला श्रेष्ठ, प्रेम प्रसाद अर्याल, रन्जन श्रेष्ठ, श्रीराम आचार्य, श्रवण कुमार त्रिपाठीलाई चयन भएका छन् ।
रास्वपाका केन्द्रिय उपसभापति एवम् पूर्व श्रमरोजगार मन्त्री डिपि अर्यालको प्रमुख आतिथ्यतामा भएको उक्त भेलामा बागमती प्रदेश समितिका प्रमुख डा।अचुतम लामिछाने, केन्द्रिय सदस्य उपेन्द्र पाण्डे लगायतको आतिथ्य रहेको थियो ।
