धादिङ । धादिङको बेनीघाट रोराङ गाउँपालिकाले क्रिकेटको विकासलाई विद्यालय तह देखि नै जोड दिँदै हरेक वर्ष पालिकाका विद्यालयहरु बीच अध्यक्ष कप क्रिकेट प्रतियोगिता गर्दै आईरहेको छ । विद्यालय स्तरको क्रिकेट प्रतियोगिता हरेक वर्ष गर्ने धादिङको यो पहिलो पालिका हो ।
यो वर्षको बेनीघाट रोराङको विद्यालय स्तरीय अध्यक्ष कप क्रिकेट प्रतियोगिता यहि कार्तिक २९ र ३० गते हुने भएको छ । टी २० फर्मेटमा हुने यस प्रतियोगिताको पहिलो चन्द्रोदय मावि र गत वर्षको विजेता बागेश्वरी मावि बीच बिहिबार बिहान ११ बजे हुने खेल तालिकामा उल्लेख छ । प्रतियोगिता चन्द्रोदय मावि बिशालटारको खेल मैदानमा हुने छ ।
गत वर्षको अध्यक्ष कप क्रिकेट प्रतियोगिता बागेश्वरी मावि रिचोकचार मलेखुले चन्द्रोदय मावि विशालटारलाई ५ विकेटले पराजित गर्दै उपाधी आफ्नो पक्षमा पर्न सफल भएको थियो ।
