धादिङ । धादिङ घर भई काठमाडौमा रहेर पर्यटन व्यवसाय गर्दै आईरहेका चन्द्र रिजाल नेपाल पर्यटन केन्द्रीय सहकारी संघको अध्यक्षमा चयन भएका छन् ।
ट्रेकिङ एजेन्सिज एसोसिएन अफ् नेपाल (टान) र दिगो पर्यटन सहकारी संस्था लिमिटेडका पूर्व अध्यक्ष समेत रहेका रिजाल शनिबार सम्पन्न संघको ११ औँ वार्षिक साधारण सभाबाट सर्वसम्मतरुपमा अध्यक्षमा चयन भएका हुन् ।
समितिको उपाध्यक्षमा टिकाराम भट्टराई, महासचिव तेजबहादुर बोहोरा, सचिव ज्ञानमणि न्यौपाने र कोषध्यक्षमा तेजबहादुर खड्का चयन भएका छन् ।
संघको सञ्चालक सदस्यमा रुपेश तिमल्सिना, बिकेशकुमार श्रेष्ठ, हरिशरण गिरी, प्रमोद घिमिरे, चित्रकुमार श्रेष्ठ चयन भएका छन् । त्यसैगरी बेबी राज भण्डारी, नेप्लुमाया भट्ट जिरेल, नरबहादुर महतो, शम्भुप्रसाद शर्मा र जगबहादुर शाह पनि सञ्चालक सदस्यमा चयन भएका छन् ।
