धादिङ । धादिङको सिद्धलेक गाउँपालिका वडा नं २ नलाङ स्थित खिर्रेभञ्याङमा तमु युवा समाजले सिद्धलेक गाउँपालिकाको प्रायोजनमा असोज २७ देखि २९ गतेसम्म स्व लोक बहादुर गुरुङ स्मृती कप भलिवल प्रतियोगीताको आयोजना गर्ने भएको छ ।
गाउँपालिका स्तरीय हुने उक्त खुल्ला भलिबल प्रतियोगिताको पुरस्कार प्रथम १ लाख ११ हजार १११, दोस्रो ५५ हजार ५५५, तृतीय ३३ हजार ३३३ रहेको जिल्ला भलिबल संघ धादिङका अध्यक्ष अमृत गुरुङ (तिलक) ले बताए ।
तमु युवा समाजका सल्लाहकार, तमु ह्युल छोज धी गुरुङ राष्ट्रिय परिषद सिद्धलेकका अध्यक्ष एवम नलाङ पात्ले माविका पूर्व व्यवस्थापन समिति अध्यक्ष तथा नलाङको साविक वडा नं ४ का वडा अध्यक्ष समेत रहेका स्वर्गिय लोक बहादुर गुरुङको गत असार ६ गते खिर्रेमा सवारी दुर्घटनामा परी निधन भएको थियो उनको सम्झनामा स्मृति कप गर्न लागिएको हो ।
