धादिङ । सिद्धलेकको अरुणोदय युवा क्लब आदमटारले तीज पर्वको अवसरमा भदौ २० देखि २२ गते सम्म सत्यवती माविको प्राङ्गणमा आयोजना भएको जिल्ला स्तरीय कबड्डी प्रतियोगिता धादिङ टाईटन्सले जितेको छ ।
अरुणोदय युवा क्लब आदमटार उपविजेता हुँदा प्रतियोगिताको सान्तोना धादिङ कबड्डी संघ बनेको थियो । विजयी टिमलाई क्रमसस ३० हजार, १५ हजार र ५ हजार नगद सहित प्रमाण पत्र ट्रफी र मेडल प्रदा गरिएको क्लवका अध्यक्ष राजाराम खतिवडाले धादिङपोष्टलाई बताए ।
उक्त प्रतियोगितामा धादिङ टाईटन्सका विशाल सापकोटा उत्कृष्ट खेलाडी बने भने धादिङ कबड्डी संघबाट खेलेका रञ्जित श्रेष्ठ उत्कृष्ट डिफेण्डर र आयोजकका अर्जुन तामाङ उत्कृष्ट रेडरमा पुरस्कृत भएका थिए ।
पुरस्कार वितरण समारोहका प्रमुख अतिथि एवम् जिल्ला खेलकुद विकास समिति धादिङका अध्यक्ष प्रताप सिंह तामाङले धादिङमा छोटो अवधि मै कबड्डीले छलाङ्मार्दै गएको दावी गरेका थिए ।
प्रतियोगितामा सहभागी टिमहरु
१. थाक्रे कबड्डी क्लव
२.धादिङ कबड्डी क्लव
३. अरुणोदय युवा क्लव
४. गजुी कबड्डी क्लव
५. धादिङ टाईटन्स ए
६. सत्यवती मावि
७. गल्छी गाउँपालिका
८. धादिङ टाईटन्स बी
९. बिल्केश्वर युवा क्लव
