धादिङ । अनेरास्ववियू (क्रान्तिकारी) को केन्द्रीय अध्यक्ष पञ्चा सिंहको प्रमुख आतिथ्यतामा २२ औं धादिङ जिल्ला सम्मेलन सम्पन्न भएको छ ।
सम्मेलनले श्रीकृष्ण रिजाललाई अध्यक्षमा चयन गरेको छ । नवगठित कार्य समितिको वरिष्ठ उपाध्यक्षमा विवेक पोखरेल, उपाध्यक्षहरुमा सञ्जित सुवेदी, गणेश पाण्डे, अनिल उप्रेती, प्रयास घले, सचिवमा कविप्रसाद दुलाल, सह-सचिवहरुमा दिपेश कार्की, सपना दाहाल, अनिता विक, र कोषाध्यक्षमा भावना चयन भएका छन् । जिल्ला समिति ५५ सदस्यी रहेको छ ।
केन्द्रीय सदस्य उपेन्द्र जम्कट्टेलको संचालन र निवर्तमान जिल्ला अध्यक्ष विनोद आचार्यको सभापतित्वमा भएको सम्मेलन उद्घाटन सत्रमा माओवादी केन्द्रका केन्द्रीय नेताहरु पुष्पविक्रम मल्ल, शालिकराम जम्कट्टेल, रामबहादुर भण्डारी, अप्सरा सिंखडा, प्रदेश सह सचिव दलबहादुर बुर्लाकोटीको विशेष आतिथ्यता र जिल्ला संयोजक मनराज भण्डारी, जिल्ला सचिव दिपक लामिछाने लगायतको आतिथ्यता रहेको थियो ।
