यूके । धादिङ नुवाकोट समाज यूकेले यहि जुलाई २७ का दिन राष्ट्रिय कलाकारहरुको सांगितक प्रस्तुतीमा समर भेटघाट कार्यक्रम गर्ने भएको छ ।
उक्त वर्षिक समर भेटघाटको अवसरमा पहिलो सत्र फुटबल प्रतियोगिता हुनेछ भने दोस्रो सत्रमा साँस्कृतिक कार्यक्रम हुने अध्यक्ष धन तामाङले धादिङपोष्टलाई बताए ।
टिकट वितरण जारी छ । साँस्कृतिक कार्यक्रममा नेपालबाट राष्ट्रिय कलाकारहरु मनमायाँ वाईवा, लक्ष्मी खड्का र लक्ष्मी गुरुङ सहभागी हुने कार्यक्रम रहेको अध्यक्ष तामाङले बताए ।
दुबै कार्यक्रम Feltham Community College, Browells Lane, Feltham मा हुने बताईएको छ । फुटबल कार्यक्रम स्थानीय समय अनुसार बिहान ९ देखि दिनको १ः३० बजे सम्म हुनेछ भने साँस्कृतिक कार्यक्रम २ बजे देखि सुरु हुने छ ।
समाजले धादिङ नुवाकोट तथा देशका विभिन्न जिल्लाहरुमा स्वास्थ्य शिक्षा लगायतका मानविय क्षेत्रमा सहयोग गर्दै आई रहेको छ ।
