लिस्बन । सांस्कृतिक कार्यक्रमका बीच नेपाली जनप्रगतिशील मञ्च पोर्चुगलले श्रष्ठा सम्मान कार्यक्रम सम्पन्न गरेको छ ।
माओवादी केन्द्र निकट यस मञ्चले आयोजना गरेका कार्यक्रममा बरिष्ठ लोक गायक तथा सर्जक बिष्णु खत्री, ऋतु अधिकारी लगायतका श्रष्ठाहरु सम्मानित भएका थिए ।
मञ्चको अध्यक्ष सिता ढकाल सुवेदीको अध्यक्षतामा भएको उक्त कार्यक्रमको संचालन महासचिव गोविन्द बुढाथोकीले गरेका थिए ।
नेपाली जनप्रगतिशील मञ्च पोर्चुगलमा अध्यक्ष महासचिव र एक जना सदस्य सहित तीन जना धादिङका छन् । अध्यक्षमा धादिङ सिम्ले खयरघारीकी सीता ढकाल सुवेदी, महासचिवमा नीलकण्ठ नगरपालिकाका गोविन्द बुढाथोकी र सदस्यमा धुनीबेसी नगरपालिकाका शम्भुप्रसाद उप्रेती छन् ।
