धादिङ । नेत्रावती डबजोङ गाउँपालिका ३ ले एसईई २०८० मा उतिर्ण, चौतारा माध्यामिक विद्यालयका विद्यार्थी र उत्कृष्ट विषयका शिक्षकलाई नगद सहित सम्मान गरेको छ ।
वडा अध्यक्ष सुरेश गुरुङका अनुसार गत फागुन २८ गते नै एसईई पास गर्ने विद्यार्थी र ती विद्यार्थीले उत्कृष्ट जिपीए ल्याएको विषयगत शिक्षकलाई पनि सम्मान गर्ने वडाले घोषणा गरेको थियो । त्यहि निर्णय अनुसार विद्यार्थी र शिक्षकलाई सम्मान गरिएको हो ।
चौतारा माविबाट १७ जना विद्यार्थीले एसईई दिएकोमा १३ जना उतिर्ण भएका थिए । वडाले ३.६– ४ जिपीए ल्याउनेलाई ५ हजार प्रदान गरिने भनिए पनि यसमा कोहि परेनन् । वडाले ३.२–३.६ जिपीए ल्याउनेलाई जनही २ हजार ५०० दिने घोषणा अनुसार यसमा भने २ जना परे भने अन्य पास भएका विद्यार्थीले जनही १/१ हजार सहित सम्मानित भएका छन् ।
पास भएका १३ जना मध्य ११ जनाले लेखा विषयमा उत्कृष्ट जिपीए ए प्लस ल्याएकोले उक्त विषयका शिक्षक मानसिंह तामाङलाई प्रति विद्यार्थी १ हजार बराबर ११ हजार नगद सहित सम्मानित गरिएको वडाअध्यक्ष गुरुङले धादिङपोष्टलाई बताए । पालिका अध्यक्ष मेघनाथ रिजालको प्रमुख आतिथ्यता रहेको उक्त कार्यक्रममा उप प्रमुख सिता माया गुरुङ, प्रमुख प्रशासकिय अधिकृत हरेराम शाह लगायतको आतिथ्यता रहेको थियो ।
सम्मानित हुने विद्यार्थीको सूची
- अमुल्या तामाङ 2.69 GPA
- आसिका तामाङ 2.99 GPA
- आस्ना तामाङ 3.05 GPA
- विपिना तामाङ 3.3 GPA
- दिनेश तामाङ 2.61 GPA
- इशाक तामाङ 2.93 GPA
- कविता तामाङ 3.14 GPA
- किरण तामाङ 3.03 GPA
- मिलन तामाङ 2.99 GPA
- निलिमा तामाङ 3.29 GPA
- निशा गुरुङ 3.03 GPA
- प्रमिला तामाङ 3.16 GPA
- रितु तामाङ 2.75 GPA
