धादिङ । धादिङको गंगाजमुना गाउँपालिका स्थित मण्डली माध्यामिक विद्यालय फुलखर्कका प्रधानाध्यापक ज्ञानेन्द्र बहादुर कार्कीले विद्यार्थीलाई कुटपिट गरेका घटना बाहिरिएको छ ।
गाउँपालिका शिक्षा समिति सदस्य समेत रहेका प्रधानाध्यापक कार्कीले कक्षा ७ मा अध्ययनरत विद्यार्थी अनिश अधिकारीलाई शुक्रबार बिहान १० बजे कक्षाकोठा भित्र निलडाम देखिने गरि कुटपिट गरेका हुन् ।
‘मेरो छोरा कक्षा ७ को क्याप्टेन हो । बिद्यालयमा विद्यार्थीका लागि नियम बनाएको रहेछ । उसले प्रअको छोरालाई किन नियम पालना नगरेको भनेको कारण कुटाई खाएको अनिशकी आमा कोपिला अधिकारीले बताएकी छिन् ।
अनिश भन्छन्, म कक्षा ७ अध्ययनरत छु । मलाई कक्षाकोठा क्याप्टेनको जिम्मेवारी थियो । त्यसै अनुसार मलै विद्यार्थीहरूको अनुशासन हेर्ने क्रममा हेडसरको छोरा अनुशासनमा नहेका भनेपछि हेड सर आएर आफुलाई कुटपिट गर्नुभएको हो ।
शिक्षक संघमा आवद्ध रहेका प्र.अ. कार्कीलाई घटनाबारे थप बुझ्न हामीले पटक-पटक फोन गर्दा फोन उठाएनन् ।
