धादिङ । धादिङको गङ्गाजमुना गाउँपालिका ५ का वडा अध्यक्ष कुमार अधिकारीले आगामी वर्षका लागि विनियोजन गर्नुपर्ने वजेटका लागि टोल-टोलमा पुगेर टोलवासी सँग छलफल तथा अन्तरक्रियाको माध्यमबाट योजनाको टिमपोट गरिरहेका छन् ।
१२ वटा टोहरुमा पुगेर टोलबासी सँग अन्तरक्रिया र छलफल गरि योजनाहरु टिपोट गरिसकेँ । अब बाँकी टोलको योजना टिपोट गरि पालिकाले सक्ने योजनाहरु पालिकाको बजेटमा र नसक्ने योजनाहरु प्रदेश र संघको बजेटमा राख्न पहल गर्ने उनले धादिङपोष्टलाई बताए ।
टोलको योजना छनोट कार्य सकिएपछि नागरिक समाज, सबै राजनैतिक दलको प्रतिनिधि, महिला, किसान शिक्षक र अन्य सरोकार पक्ष संग छ्लफल गर्ने उनले बताए ।
