धादिङ । बागमती प्रदेशले आगामी चैत २५ गते देखि आयोजना गर्ने अन्तर प्रदेश राष्ट्रिय खेलकुद-२०८० का लागि धादिङबाट दुई जना बागमती टिमका लागि छनोट भएका छन् । राष्ट्रिय तथा अन्तराष्ट्रिय रुपमा परिचित सन्तोषी श्रेष्ठ दौड प्रतियोगितामा र करातेमा आफ्नो भविश्य खोज्दै गरेकी समिक्षा ढुङ्गाना प्रदेश टिमका लागि छनोट भएका हुन् ।
ज्वालामुखी गाउँपालिका नीवासी सन्तोषी ५००० मि., १०,००० मि. (दौड) का लागि र नीलकण्ठ १ खाल्टे निकासी समिक्षा ५५ केजी तौल समूहका लागि प्रदेश टिममा छनोट भएका हुन् ।
संघीय संरचना अनुसार ७ प्रदेशको सहभागीता रहने यस प्रतियोगितामा ९ खेल विधा समावेश गरिएको छ । अन्तर प्रदेशमा भलिबल, फुटबल, क्रिकेट, बक्सिङ, कराँते, तेक्वान्दो, एथलेटिक्स, ब्याडमिन्टन र पौडी खेललाई समावेश गरिएको छ ।
