काठमाडौं । एक दिवसीय सिरिज अन्तर्गत नेपालले आज क्यानडा सँग दोस्रो खेल खेल्दै छ । नेपालले क्यानडा विरुद्धको ३ खेल खेल्ने एक दिवसीय सिरिजको पहिलो खेल नेपालले जिति सकेको छ ।
सात रनले रोमाञ्चित जित निकालेको नेपालले आजको खेल जित्दै एक खेल अगावै क्यानडाविरुद्धको सिरिज जित्ने योजनामा छ ।
खेल टीयू क्रिकेट मैदानमा बिहान सवा ९ बजे सुरु हुनेछ ।
यस्तै एसीसी महिला प्रिमियर कप २०२४ को पहिलो खेलमा नेपालले हङकङविरुद्ध टस जितेको छ । सेलांगर क्रिकेट मैदानमा नेपालकी कप्तान इन्दु वर्माले टस जितेर फिल्ड गर्ने निर्णय लिएकी हुन् । नेपाली टोलीमा पुनरागमन गरेका अलराउन्डर कविता कुँवर र कविता जोशी साथै ब्याटरद्वय डली भट्ट र अप्सरी बेगमले प्लेइङ-११ मा स्थान बनाएका छन् । टोलीको उपकप्तान रहेकी विन्दु रावल भने बेन्चमा छिन् । नेपाल रहेको समूह डी मा भुटान, माल्दिभ्स र हङकङ छन् । कुल १६ सहभागी टोलीलाई ४ समूहमा विभाजन गरिएको छ । शीर्ष २ टोली क्वाटरफाइनलमा जानेछन् ।
