धादिङ । बागमती प्रदेशले २०८० फाल्गुण २४–३० गते सम्म संचालन गर्न लागेको अन्तर प्रदेश राष्ट्रिय खेलकुद -२०८० को प्रदेश छनौटका लागि सन्तोषी श्रेष्ठले धादिङबाट एथ्लेष्टिक विधामा फर्म भरेकी छिन् । राष्ट्रिय तथा अन्तराष्ट्रिय प्रतियोगिताहरुमा उपाधि सँगै परिचित सन्तोसषी धादिङ ज्वालामुखी निवासी हुन् । उनले प्रदेश छनोटमा सहभागी हुन धादिङमा पर्म भरेकी हुन् ।
जिल्ला खेलकुद विकास समिति धादिङका अध्यक्ष प्रतापसिंह तामाङका अनुसार प्रदेश छनौटका लागि बागमती प्रदेशका खेलाडीको नाम दर्ता जिल्लामा गराउनु पर्ने छ । अहिले सम्म धादिङमा फर्म सन्तोषीको मात्रै आएको छ । अध्यक्ष तामाङले तोकिएको विधाका खेलाडीले अन्तर प्रदेश स्तरीय प्रतियोगितामा भाग लिन बागमती प्रदेश खेलाडी छनोटका लागि आवेदन खुल्ला गरेको छ माघ २५ गते भित्र नाम दर्ता गराउन आग्रह समेत गरेका छन् ।
बागमती प्रदेशले अन्तर प्रदेश राष्ट्रिय खेलकुद -२०८० मा फुटबल, क्रिकेट, भलिबल, एथलेटिक्स, कराते, तेक्वान्दो, बक्सिङ, व्याडमिन्टन, पौडी खेल विधाहरु आयोजना गर्न लागेको छ ।
