धादिङ । धादिङमा निजी तथा आवासीय विद्यालय अर्गनाइजेशन नेपाल प्याब्सनद्वारा सञ्चालित एसईई प्रि बोर्ड परीक्षा आजदेखि सुरु भएको छ ।
प्याब्सन धादिङ अन्तर्गतका सदस्य विद्यालयहरूमा पनि एसईई २०८० को लागि तयारी परीक्षा स्वरूप माघ १४ देखि २२ सम्म एसईई प्रि-बोर्ड परीक्षा सञ्चालन गरिएको हो ।
धादिङ जिल्लामा आइतबारबाट सञ्चालन भइरहेको उक्त परीक्षामा जिल्लाभरिमा सातवटा परीक्षा केन्द्रहरू रहेको जिल्ला परीक्षा संयोजक तथा एड्भान्स एकेडेमी धादिङबेँसीका प्रिन्सिपल भिम बहादुर श्रेष्ठले जानकारी दिए ।
प्याब्सनले आफ्नो माताहतका निजी तथा आवासीय माध्यमिक विद्यालयहरूमा हरेक वर्ष एसईई प्रि-बोर्ड सञ्चालन गर्दै आइरहेको छ ।
यसवर्षको एसईई परीक्षा भने आगामी चैत्र १५ गतेबाट सञ्चालन गर्ने गरी एनईबीले केही दिनअघिमात्र परीक्षा तालिका सार्वजनिक गरेको छ ।
