धादिङ । नीलकण्ठ १४ धुवाँकोट पात्लेमा जारी नवौं मानबहादुर मेमोरियल कप 7 “A” साइड खुल्ला नकआउट फुटबल प्रतियोगिताको आज सेमीफाईनल खेल हुने छ । विद्यार्थी उपकार संघको आयोजनामा जारी यस प्रतियोगिताको सेमिफाईनल बिहानी युवा क्लव विरुद्ध चिसो पानी युथ क्लव र जनआवाज युथ क्लव माने विरुद्ध खरबारी युवा क्लव बीच हुने भएको हो ।
आयोजक संस्थाका सचिव प्रेम तामाङका अनुसार प्रथमलाई १ लाख ३० हजार, उप विजेता पुरस्कार ६० हजार, सेमिफाईनलमा रोकिएका दुई टिमलाई २०/२० हजार पुरस्कार प्रदान गरिने यस प्रतियोगिताको फाईनल भोली माघ २ गते हुने छ ।
