धादिङ । नेकपा एमाले निकट नेपाल खेलकुद महासंघ (नेकोस) धादिङ आयोजनामा आज पुस २७ देखि माध्यामिक विद्यालय जिल्ला स्तरीय लिकम नकआउट छात्र भलिबल प्रतियोगिता धादिङबेसी स्थित कभर्डहल परिसरमा हुने भएको छ । यस प्रतियोगिताको उद्घाटन आज बिहान ११ बजे नेपाल खेलकुद महासंघ (नेकोस) का केन्द्रिय अध्यक्ष कृष्ण बस्नेत (परशुराम) ले गर्ने कार्यक्रम रहेको छ ।
भलिबल रेफ्री सन्दिप थापामगरका अनुसार यस प्रतियोगितामा निम्न विद्यालयहरुले भाग लिने छन् ।
१. बुद्ध भिजन एकेडेमी धुनिवेशी
२. ज्योति मावि थाक्रे
३. बागेश्वरी मावि गल्छी
४. नलाङ पात्ले मावि सिद्धलेक
५. सिद्धेश्वर मावि सिद्धलेक
६. सस्कृत मावि ज्वालमुखी
७. चण्डेश्वरी मावि नीलकण्ठ
८. पशुपति मावि नीलकण्ठ
९. नीलकण्ठ मावि
१०. एड्भान्स एकेडमी
११. चिल्ड्रेन पार्क
१२. देउराली मावि
प्रतियोगिताको पुरस्कार राशी प्रथमलाई ५० हजार, द्वितियलाई ३० हजार, तृतियलाई १५ हजार र सान्तोनालाई ५ हजार रहेको नेपाल खेलकुद महासंघका केन्द्रिय सदस्य तथा धादिङ इन्चार्ज सुगन थापामगरले धादिङपोष्टलाई बताए ।
