धादिङ । वैदेशिक रोजगारीका लागि दैनिक नेपाली युवाहरु विदेशिनेक्रम बढ्दो छ । सरकारी तथ्याङ्क अनुसार बागमती प्रदेशका जिल्लाहरु मध्य धादिङ बैदेशिक रोजगारीमा जाने जनशक्तिमा तेस्रो नम्बरमा छ । धादिङबाट यो एक वर्षमा १२,५४० जना वैदेशिक रोजगारीमा गएका छन् ।
बागमती प्रदेशमा चितवन पहिलो नम्बरमा छ, चितवनबाट १५८२३ जना र दोस्रो नम्बरमा मकवानपुर १३९०१ जना बैदेशिक रोजगारीमा गएका छन् । यस्तै यस प्रदेशमा सबैभदा कम रसुवाबाट १३९२ जना बैदेशिक रोजगारीमा गएको सरकारी तथ्याङ्कमा देखिन्छ ।
