काठमाडौं । चार देश सम्मिलित महिला टि–२० सिरिजअन्तर्गत पहिलो खेल तान्जानियासित २७ रनले पराजित भएको नेपालले आज हङकङसित खेल्ने छ ।
पहिलो खेल हारे सँगै जित्नैपर्ने दबाबमा रहेको नेपालले आज ११:४५ बजे हङकङसित खेल्न लागेको हो ।
हङकङमा जारी सिरिजमा आयोजक हङ्कङसँगै नेपाल, तान्जानिया र जापान सहभागी छन् । आइसिसी वरीयतामा तान्जानिया १९औँ स्थानमा छ भने नेपाल २१औँ स्थानमा छ । यस्तै वरीयतामा हङकङ २२औँ तथा जापान ५१ औँ स्थानमा छ । नेपालले समूह चरणको अन्तिम खेल आगामी मङ्सिर २ गते जापानसित खेल्नेछ ।
