धादिङ । बेनीघाट रोराङ गाउँपालिका स्थित मझिम्टार खेलमैदानमा भएको प्रथम अन्जन स्मृति कप -२०८० को उपविजेता बनेको गजुरी समाज, गजुरीका खेलाडीहरुलाई आज गजुरी गाउँपालिकाले नगद सहित सम्मान गरेको छ ।
आज गाउँपालिका कार्यालय मै बोलाएर गाउँपालिकाका अध्यक्ष गणेशलाल श्रेष्ठले नगद ५० हजार सहित सम्मान गरेका हुन् ।
उक्त सम्मान कार्यक्रममा गाउँपलिकाका प्रमुख प्रशासकिय अधिकृत राजु अधिकारी, ७ र ८ का वडा अध्यक्षद्वय बद्री प्रसाद जम्कटेल र देवराज ओझा, शिक्षा युवा तथा खेलकुद शाखा प्रमुख सन्तोष पौडेल लगायत सहभागी थिए ।
कार्यक्रममा गजुरीको प्रतिनीधित्व गरि अन्जन स्मृति कपमा उत्कृष्ट प्रर्दशन गरेको भन्दै पालिका अध्यक्ष श्रेष्ठले खेलाडी र प्रशिक्षकलाई धन्यावाद धन्यावाद दिएका थिए ।
उक्त प्रथम अन्जन स्मृति कप खुल्ला नक आउट फुटबल प्रतियोगिता भने आयोजक भेटेरान समुह, मझिमटार विजेता बनेको थियो । आयोजक भेटेरान समुहलाई जिताउन उक्त टिमबाट खेलेका चितवनका विक्की राई एक्लैलले ५ गोल गरेका थ्एि भने गजुरी २ गोलमा रोकिएको थियो ।
