धादिङ । रोटरी क्लव अफ धादिङले नीलकण्ठ नगरपालिका स्थित लामागुरु महादेव माध्यामिक विद्यालयमा दिवा खाजा प्रयोजनको लागि आवश्यक किचन सामाग्री हस्तान्तरण गरेको छ । उक्त विद्यालयमा विगतमा पनि यस क्लवबाट निःशुल्क दन्त शिविर, स्टेसनरी वितरण तथा महिनावरी समस्या सम्बन्धि प्रशिक्षण कार्यक्रम संचालन गरिएको थियो ।
रोटरी क्लव अफ धादिङले विद्यालयमा आज एक कार्यक्रम आयोजना गरि २०० जना विद्याथीहरुलाई पुग्ने गरी किचनमा आवश्यक पर्ने सामान तथा खाजा खुवाउनलाई आवश्यक पर्ने सामाग्री वितरण गरिएको हो । हामीले १ लाख १२ हजारमा किचनमा आवश्यक पर्ने सबै सामाग्री खरीद गरी विद्यालयलाई सहयोग गरेका हौं रोटरी क्लव अफ धादिङका प्रेसिन्डेट रोटरियन रोहित भण्डारीले धादिङपोष्टलाई बताए ।
प्रेसिन्डेट रोहित भण्डारीको सभापतित्व भएको उक्त सामाग्री हस्तान्तरण कार्यक्रममा रोटरियन चक्रबहादुर भण्डारीको प्रमुख आतिथ्य रहेको थियो । साथै कार्यक्रममा रोटरी क्लव अफ धादिङका पूर्व अध्यक्षहरु ध्रवबहादुर थापा, अशोक कुमार बस्नेत, भिमबहादुर श्रेष्ठ, कृष्णालाल उप्रेति, रोटरियनहरु विष्णु श्रेष्ठ, रेशु अधिकारी, राजेन्द्र श्रेष्ठ लगायत विद्यालयका शिक्षक, अभिभावक र विद्यार्थीहरुको सहभागीता रहेको थियो ।
