धादिङ । बेनिघाट रोराङ गाउँपालिकाले साईबर अपराध न्यूनिकरणमा युवाको भूमिका विषयमा माध्यामिक विद्यालय स्तरीय वक्कतृत्व कला प्रतियोगिता सम्पन्न गरेको छ ।
प्रतियोगितामा बेनीघाट रोराङमा रहेका १२ माध्यामिक विाद्यलयका छात्र छात्रा गरी २४ जना विद्यार्थीले भाग लिएका थिए । गाउँपालिकाका शिक्षा अधिकृत बोधराज पाठकका अनुसार चन्दोदय मा. वि. बिशालटारकी कृषा उप्रेती प्रथम, बागेश्वरी मा. वि. का विकल्प पाण्डे दोस्रो, राईजिङ स्टार मा. वि. का उम्मिद थपलिया तृतिय र पिपल भञ्ज्याङ मा. वि. की सेतीमायाँ लोहनी सान्तोना भए ।
कार्यक्रमका प्रमुख अतिथि पालिका अध्यक्ष कृष्ण बहादुर थपलिया (विवेक) ले साईबर अपाधबारे पछिल्लो पुस्ता होसियारी रहनु पर्ने र साईबर अपराध रोकथामका लागि युवा पुस्ताको भूमिका महत्वपूर्ण हुने बताएका थिए ।
